Gəncə təmsilçisinin futbolçusu yubiley oyununu keçirib. Bu haqda 15 aprel tarixində PFL-ə istinadən məlumat veririk.
Söhbət “Kəpəz”in hücumçusu Amil Yunanovdan gedir. Bildirilir ki, o, Azərbaycan çempionatlarında 200-cü oyununa çıxıb. Həmin matç Azərbaycan Premyer Liqasının XXX turuna təsadüf edib.
O, 200 oyunda 52 qolun müəllifi olub.
Qeyd edək ki, 31 yaşlı futbolçunun debütü 2010/11 mövsümündə “Qəbələ”nin heyətində gerçəkləşib. Yunanov bu klubda 7 (1 qol), “Sumqayıt”da 91 (28 qol), “Şamaxı”da 61 (14 qol), “Səbail”də 29 (6 qol), “Kəpəz”də 12 (3 qol) oyun keçirib.
