Aktyor Elməddin Cəfərov "Youtube" platformasında yayımlanan “Qapqara” layihəsindəki açıqlaması ilə diqqət çəkib.
Gencexeber.az məlumat verir ki, aktyor Həcc ziyarətində olarkən Allahdan nəsə istəməyə utandığını bildirib:
“İnsanlar Kəbə evi ilə qarşılaşanda dualar edirlər. Yolda fikirləşirdim ki, nə dua edim? Artıq nə istəyim? Ayıbdır axı. Bütün ömrüm boyu istəmişəm. Övlad, iş, sağlamlıq ver. Xətadan-bəladan qoru, nə qədər olar?
Adamın üzü gəlmir. Kəbə evi ilə qarşılaşanda “Allahım, sənin üçün nələrsə etməyə, vəd verməyə gəlmişəm. Söz verirəm ki, bunları etməyəcəyəm. Təbii ki, ehtiyacım olanda yalnız sənə sığınıb, səndən istəyəcəyəm. Bəndə olaraq çalışacağam ki, sənə layiqli olum.
Özüm vədlər verdim, çox xoşbəxt oldum”.
Qeyd edək ki, aktyor Elməddin Cəfərov qərbi Azərbaycanda Göyçə mahalının Zod kəndində dünyaya gəlib. Doğulduğu kənddə orta təhsilə başlasa da o, Azərbaycanlıların Ermənistandan köçürülməsi nəticəsində 1988-ci ildə ailəsi ilə birlikdə Gəncə şəhərinə köçüb, orta təhsilini burada davam etdirib.
VİDEO: Baku TV
