Gəncədə küçələrin birində ağaclar qanunsuz kəsilib. Bu haqda 14 mart tarixində Dövlət Ekoloji Təhlükəsizlik Xidmətinə istinadən xəbər veririk.
Dövlət Ekoloji Təhlükəsizlik Xidmətinin əməkdaşları nəzarət tədbirləri keçiriblər. Nəticədə şəhər ərazisində ağacların qanunsuz kəsildiyi aşkar olunub. Əbülüla küçəsində ağacların kəsildiyi və təbiətə ziyan dəydiyi müəyyən edilib.
Faktlarla bağlı akt tərtib edilib. Fakt üzrə yaşıllığa dəymiş ziyanın məbləği cinayət tərkibi yaratdığından məsələyə hüquqi qiymət verilməsi üçün toplanmış sənədlər Azərbaycan Respublikasının Baş Prokurorluğuna göndərilib.
