Gəncədə universitet və MMC arasında memorandum imzalanıb. Bu haqda 10 mart tarixində ADAU-ya istinadən məlumat veririk.
Azərbaycan Dövlət Aqrar Universiteti (ADAU) ilə “AzərŞəkər” MMC-nin rəhbrəliyi arasında görüş keçirilib. Universitetin rektoru vəzifəsini icra edən Zəfər Qurbanov ADAU-nun dayanıqlı kənd təsərrüfatı mütəxəssislərinin yetişməsi üçün yerli və xarici şirkətlərlə əməkdaşlığa verdiyi önəmdən bəhs edib.
Görüşdə tələbələrin təcrübə keçməsi, birgə elmi-tədqiqat işlərinin aparılması və s. məsələlər də müzakirə edilib. Sonda “AzərŞəkər” MMC və ADAU arasında birgə əməkdaşlıq haqqında memorandum imzalanıb.
Tədbirdən sonra tələbələrlə görüşən şirkət rəhbərliyi təcrübə və iş imkanlarından danışaraq onları maraqlandıran sualları cavablandırıb.
