"Aqrar Məşvərət Şurası" İctimai Birliyi tərəfindən Azərbaycan Dövlət Aqrar Universitetinin ( ADAU) bakalavriat səviyyəsində təhsil alan tələbələr üçün nəzərdə tutulmuş təqaüd proqramına start verilib.
Gencexeber.az bildirir ki, proqram "Azərbaycanın gənc aqro liderləri" adı altında həyata keçirilir.
Təqaüd əyani formada təhsil alan və yüksək akademik göstəriciləri ilə seçilən II və III kurs tələbələrinə şamil olunur.
Proqram "Aqronomluq", "Baytarlıq", "Zoomühəndislik" və "Aqromühəndislik" ixtisaslarında uğur qazanan tələbələri əhatə edir.
Layihənin əsas məqsədi aqrar sahədə liderlik potensialına malik, müasir bilik və bacarıqlarla təchiz olunmuş gənclərin dəstəklənməsi, onların təhsil imkanlarının genişləndirilməsi və peşəkar inkişafına şərait yaradılmasıdır.
