Azərbaycan Dövlət Aqrar Universiteti (ADAU) ilə Türkiyənin Ege Universiteti arasında həyata keçirilən beynəlxalq ikili diplomu proqramı çərçivəsində Ege Universitetində təhsil alan IV kurs tələbələri Tələbə Kəndi futbol turnirində I yerə çıxıblar.
Gencexeber.az ADAU-ya istinadən xəbər verir ki, 10 komandadan ibarət turnirin finalında Azərbaycanı təmsil edən Turan FK ilə Türkiyəni təmsil edən Söğüt FK qarşılaşıb.
Gərgin keçən final oyunu 4-2 hesabında ADAU tələbələrinin parlaq qələbəsi ilə nəticələnib.
Sonda qaliblər medal və kubokla təltif olunublar.
