Türkiyə universitetinin əməkdaşları Gəncəyə səfər ediblər. Bu haqda 7 mart tarixində ADAU-ya istinadən məlumat veririk.
Konya Qida və Kənd Təsərrüfatı Universitetinin nümayəndə heyəti Azərbaycan Dövlət Aqrar Universitetində olub. ADAU-nun rektoru vəzifəsini icra edən Zəfər Qurbanov qonaqlara təhsil müəssisəsinin beynəlxalq əlaqələri, maddi-texniki bazası və ikili diplom proqramları haqqında ətraflı məlumat verib.
Görüşdə müxtəlif ixtisaslar üzrə kadr hazırlığı, birgə elmi tədqiqatların aparılması, konfrans və seminarların təşkili kimi məsələlər də müzakirə edilib. Konya Qida və Kənd Təsərrüfatı Universitetinin rəhbər heyətindən Mehmet Kılıç, professor Ali Karabaçak və İsa Özgen təmsil etdikləri ali təhsil müəssisəsi haqqında məlumat verərək birgə əməkdaşlıq etməkdə maraqlı olduqlarını diqqətə çatdırıblar.
Daha sonra qonaqlar ADAU-nun bir qrup professor-müəllim heyəti ilə görüşərək fikir mübadiləsi aparıblar.
Nümayəndə heyəti, həmçinin şəhərin görməli yerlərinə baş çəkib.
