Azərbaycan Dövlət Aqrar Universitetinin (ADAU) Həyat Fəaliyyətinin Təhlükəsizliyi kafedrasının təqaüddə olan dosenti Rüstəm İbrahimhaqqı oğlu Əfəndiyev dünyasını dəyişib.
Gencexeber.az-ın məlumatına görə, Rüstəm müəllim iyunun 17-si Səbiskar qəbiristanlığında torpağa tapşırılıb. Yaxınlarının bildirdiyinə görə, mərhumun heç bir xəstəliyi olmayıb.
Qeyd edək ki, Rüstəm Əfəndiyev 20 iyun 1941-ci ildə Şəki şəhərində anadan olub. O, 1968-ci ildən 2011-ci ilə qədər Azərbaycan Dövlət Aqrar Universitetində pedaqoji fəaliyyətlə məşğul olub. O, onillər ərzində minlərlə tələbənin elmi və həyat yoluna töhfə verib.
