Azərbaycan Dövlət Aqrar Universitetində (ADAU) ixtisas müəllimləri və əməkdaşlar üçün ingilis dili üzrə ödənişsiz danışıq kurslarına start verilib.
Gencexeber.az ADAU-ya istinadən bildirir ki, bu məqsədlə Dillər Tədris Mərkəzi tərəfindən ingilis dili üzrə sınaq imtahanı təşkil olunub. İmtahanın əsas məqsədi müəllimlərin ingilis dilində oxuma, yazma və danışıq bacarıqları üzrə bilik səviyyələrini müəyyən etmək olub.
Daha sonra bir neçə qrup üzrə bilik səviyyələrinə uyğun təşkil olunacaq kurslarda bir neçə ay ərzində dərslər tədris olunacaq.
