Gəncədə yeni memorandum imzalanıb. Bu haqda 16 mart tarixində ADAU-ya istinadən məlumat veririk.
Azərbaycan Dövlət Aqrar Universiteti (ADAU) ilə “Grand-Agro” MMC arasında görüş keçirilib. ADAU-nun rektoru vəzifəsini icra edən Zəfər Qurbanov ali təhsil müəssisəsində kadr hazırlığı sahəsində görülən işlərdən və qarşıda duran vəzifələrdən danışıb. “Grand-Agro” MMC-nin İcraçı direktoru Tofiq Həmidov birgə əməkdaşlıqdan məmnunluq duyduğunu diqqətə çatdıraraq birgə həyata keçirilə biləcək layihələrdən söz açıb.
Görüşdə təlim və seminarların keçirilməsi, birgə elmi-tədqiqat işlərinin aparılması və tələbələr və məzunların şirkətin kadr bankına daxil edilməsi məsələləri də müzakirə edilib. Sonda ADAU ilə “Grand-Agro” MMC arasında birgə əməkdaşlığa dair memorandum imzalanıb.
