Azərbaycan Dövlət Aqrar Universiteti (ADAU) tələbələrin akademik nailiyyətlərini təşviq etmək məqsədilə bir sıra maddi stimullaşdırma tədbirləri həyata keçirəcək.
Gencexeber.az-a təhsil ocağından verilən məlumata görə, qəbul imtahanlarında yüksək nəticə göstərən və tədris prosesində fərqlənən tələbələrə müvafiq mükafatlar təqdim ediləcək:
- 400–599 bal arası nəticə göstərən tələbələrə 150 manat,
- 600 və daha çox bal toplayanlara 250 manat birdəfəlik mükafat veriləcək.
- Sessiya imtahanlarında bütün fənlərdən “əla” qiymət alan tələbələr isə 100 manat mükafatla təltif olunacaqlar.
- Bundan əlavə, ingilisdilli ixtisaslarda təhsil alan tələbələrə aylıq 70 manat əlavə təqaüd nəzərdə tutulub.
ADAU rəhbərliyi qeyd edir ki, bu təşəbbüslər tələbələrin motivasiyasını artırmağa və onların elmi-tədris fəaliyyətini stimullaşdırmağa yönəlib.
