Azərbaycan Dövlət Aqrar Universitetində (ADAU) I kursa qəbul olan əcnəbi tələbələrlə görüş keçirilib.
Gencexeber.az bildirir ki, görüşdə Universitetin rektoru Zəfər Qurbanov tələbələri yeni təhsil mərhələsinə başlamaları münasibətilə təbrik edib, onlara uğurlar arzulayıb.
Tədbirdə xarici tələbələrin təhsil prosesi, yerləşdirilmə, sosial adaptasiya və mentor dəstəyi ilə bağlı məlumat verilib.
Görüşdə tələbələrin sualları cavablandırılıb və gələcək fəaliyyətlə bağlı təkliflər dinlənilib.
Hazırda Aqrar Universitetdə Türkiyə, Hindistan, Rusiya, İsrail, Moldova və Cənubi Afrika Respublikasından 400-dən çox əcnəbi tələbə təhsil alır.
