Gəncədə məktəblilər üçün imtahan keçirilib. Bu haqda 18 mart tarixində Kəpəz televiziyasına istinadən xəbər veririk.
Birinci zona üzrə ümumi orta təhsil səviyyəsi üzrə 9-cu sinif şagirdləri buraxılış imtahanı veriblər. İmtahan səhər saat 11-də başlayıb və 9 binada baş tutub. Dövlət İmtahan Mərkəzi tərəfindən keçirilən prosesə 211 nəzarətçi müəllim, 25 imtahan rəhbəri, 9 ümumi rəhbər cəlb olunub.
Ümumilikdə imtahanda 2359 şagird iştirak edib. Şagirdlərə 3 saat ərzində riyaziyyatdan 25, ana dilindən 30, xarici dildən 30 test sualı, həmçinin dinləmə mətni verilib. İmtahan nəticələri 1 ay ərzində elan olunacaq.
