Göygöl rayonunda bir neçə kəndi birləşdirən strateji əhəmiyyətli körpü qəzalı vəziyyətə düşüb.
Gencexeber.az məlumat verir ki, Azərbaycan Avtomobil Yolları Dövlət Agentliyinin (AAYDA) "24 №-li Yol İstismarı" MMC-nin balansında olan körpüyə son günlər Qərb bölgəsində yağan leysan xarakterli yağışlar nəticəsində ziyan dəyib.
Sözügedən körpü Yeni Zod–Çaykənd–Qarabulaq–Quşçu–Sarısu avtomobil yolunun üzərində yerləşir və Göygöl rayonunun bir neçə kəndləri ilə yanaşı, Goranboy rayonunun Todan, Erkəc, Mənəç və Buzluq kəndləri arasında da nəqliyyat əlaqəsini təmin edir. Körpüdən ümumilikdə təxminən 5 min nəfər əhali istifadə edir.
Məlumata görə, körpü 1960-cı illərdə inşa olunub. Hazırda onun qəzalı vəziyyətə düşməsi nəqliyyatın hərəkəti baxımından ciddi narahatlıq yaradıb.
