Gəncə sakininin arvadı ilə mübahisəsi cinayətlə nəticələnib.
Demokrat.аz xəbər verir ki, hadisə bu ilin yanvarın 28-də Göygöl rayonunun kəndlərindən birində baş verib. Gəncə şəhər sakini, 1980-ci il təvəllüdlü Mədət həmin gün saat 15 radələrində kənddə yerləşən fərdi yaşayış evində arvadı Səlimə (adlar şərtidir – red.) ilə mübahisə edib.
Onların arasında mübahisənin yaranmasına səbəb isə arvadının ona sərxoş halda evə gəlməsi barədə irad bildirməsi, həmçinin özü ilə gətirdiyi meyvələri yerə çırparaq əzməsi olub. Mədət zərərçəkmişin bədəninin müxtəlif nahiyələrinə zərbələr vuraraq yerə yıxıb.
Kişi qadının saçından tutaraq sürüyüb və ayağı ilə zərbələr vurmağa davam edib. Bu hərəkətləri ilə o, arvadına müxtəlif dərəcəli bədən xəsarətləri yetirib.
Hadisəni törədən Mədətin barəsində Cinayət Məcəlləsinin 128-ci (qəsdən sağlamlığa zərər vurma) maddəsi ilə ittiham elan edilib.
Bu cinayət işinə Göygöl Rayon Məhkəməsində baxılıb. Məhkəmənin hökmü ilə Mədət 9 ay müddətinə azadlığın məhdudlаşdırılmаsı cəzаsınа məhkum edilib.
Təqsirləndirilən şəxsin yaşayış yerini saat 22:00-dan saat 07:00-dək tərk etməsinə, yaşadığı Gəncə şəhəri və Göygöl rayonu ərazi hüdudlarını cəza çəkdiyi müddət ərzində tərk etməsinə məhdudiyyət qoyulub.
