Tovuz rayon sakini ehtiyatsızlıq nəticəsində yanaraq həyatını itirib.
Gencexeber.az xəbər verir ki, 1991-ci il təvəllüdlü Zabil İbrahimov gecə saatlarında yanıq xəsarətləri ilə xəstəxanaya çatdırılıb. Həkimlərin səylərinə baxmayaraq, onun həyatını xilas etmək mümkün olmayıb.
İlkin ehtimallara görə, 34 yaşlı şəxs ehtiyatsızlıq nəticəsində üzərinə tökülən benzinin alışması ilə yanıb.
Faktla bağlı Tovuz rayon Prokurorluğunda araşdırma aparılır.
