Gəncədə daha bir şirkət bağlanır. Bu haqda 6 fevral tarixində Fed.az-a istinadən məlumat veririk.
Söhbət “Gəncə Ərzaqnəqliyyat” ASC-dən gedir. Bununla bağlı məsələ cəmiyyətin 26 mart saat 11:00-da baş tutacaq səhmdarlarının növbəti ümumi yığıncağında müzakirə ediləcək.
Toplantının gündəliyinə aşağıdakı məsələlər daxildir:
- 2023-cü ilin hesabatı və maliyyə hesabatlarının təsdiq edilməsi;
- Cəmiyyətin ləğv edilməsi;
- Ləğvetmə komissiyasının yaradılması;
- Ləğvetmə komissiyasının səlahiyyətlərinin müəyyənləşdirilməsi;
- Cəmiyyətin idarə heyətinin və təftiş komissiyasının (müfəttişin) səlahiyyətlərinə
xitam verilməsi;
Qeyd edək ki, Ələkbər bəy Rəfibəyli küçəsi, 19 ünvanında yerləşən ASC 29 oktyabr 1997-ci ildə dövlət qeydiyyatına alınıb və qanuni təmsilçisi Yusif Rza oğlu Həsənovdur. Şirkətin nizamnamə kapitalı 112 min 506 manatdır.
