Gəncədə dilənçilərlə bağlı növbəti əməliyyat baş tutub. Bu haqda 10 noyabr tarixində DİN-ə istinadən məlumat veririk.
Baş Polis İdarəsinin və onun tabeli qurumlarının əməkdaşları şəhər ərazisində tüfeyli həyat tərzi keçirən və dilənçiliklə məşğul olaraq vətəndaşların narazılığına səbəb olan şəxslərlə bağlı daha bir profilaktiki tədbir keçiriblər.
Nəticədə ümumilikdə 23 nəfər saxlanılaraq ərazi üzrə polis şöbələrinə gətirilib. Onlarla bağlı İnzibati Xətalar Məcəlləsinin müvafiq maddəsi ilə protokol tərtib edilib. Həmçinin profilaktiki söhbətlər aparılıb.
Daha sonra saxlanılan şəxslər qeydiyyatda olduqları şəhər və rayonlara göndəriliblər.
