Gəncədə idmançılar üçün imtahan keçirilib. Bu haqda 5 dekabr tarixində Cüdo Federasiyasına istinadən məlumat veririk.
Cüdo Federasiyasının təşkilatçılığı ilə cüdo kəmər dərəcələri üzrə rəsmi imtahana yekun vurulub. Tədbir Gəncə Olimpiya İdman Klubunun idman zalında baş tutub. Burada 140 cüdoçu iştirak edib. Onlar yaş uyğunluğuna əsasən, müxtəlif kəmər dərəcələri üzrə imtahan veriblər. Prosesdən uğurla keçən idmançılara müvafiq kəmər və sertifikat təqdim olunub.
Bu növ tədbirlərin keçirilməsi idmançıların cüdo texnikalarını hərtərəfli öyrənməsi, həmçinin onların motivasiyası üçün mühüm əhəmiyyət kəsb edir.
Kəmər imtahanı peşəkarlıq səviyyəsinin qiymətləndirilməsi və rəsmi olaraq tanınması, gələcəkdə nüfuzlu daxili yarışlarda iştirak üçün zəruridir.
