Gəncə-Daşkəsən Regional Təhsil İdarəsinin tabeliyində fəaliyyət göstərən ümumtəhsil müəssisələrində “Son Zəng” tədbirləri keçirilib.
Gencexeber.az bildirir ki, Gəncə-Daşkəsən Regional Təhsil İdarəsinin müdiri Elçin Kərimov Gəncə şəhər M.Hadi adına 10 nömrəli tam orta məktəbdə keçirilən "Son Zəng" tədbirində iştirak edib.
Məzunları təbrik edən idarə müdiri onlara uğurlar arzulayıb. Tədbir bədii hissə ilə davam edib.
Gəncə-Daşkəsən Regional Təhsil İdarəsinin müdir müavini Rövşən Kərimov Gəncə şəhər M.Ş.Vazeh adına 16 nömrəli tam orta məktəbdə, müdir müavini Elmin Məmmədtağıyev Samux şəhər 2 nömrəli tam orta məktəbdə, İnzibati təşkilat sektorunun müdiri Azər İbrahimov isə Daşkəsən rayon Xoşbulaq kənd tam orta məktəbdə "Son Zəng" tədbirində iştirak ediblər.
