Gəncədə bıçaqlanan şəxsin son vəziyyəti açıqlanıb.
Gencexeber.az məlumat verir ki, 1988-ci il təvəllüdlü şəxs (kişi cinsli) Gəncə Şəhər Birləşmiş Xəstəxanasının nəzdində olan Akademik Z.Məmmədov adına xəstəxananın Təcili tibbi yardım şöbəsinə hospitalizasiya olunub.
Ona sağ döş qəfəsinin daxilə keçmiş kəsilmiş, deşilmiş yarası diaqnozu ilə zəruri tibbi yardımlar göstərilib.
Hazırda müalicəsi Reanimasiya şöbəsində davam etdirilir, vəziyyəti ağır olaraq qiymətləndirilir.
09:25
Ötən gün Gəncədə bıçaqlama hadisəsini törətməkdə şübhəli bilinən şəxs saxlanılıb.
Gencexeber.az-ın məlumatına əsasən, Gəncə Şəhər Baş Polis İdarəsinin əməkdaşlarının keçirdikləri müvafiq tədbirlər nəticəsində hadisəni törətməkdə şübhəli bilinən 56 yaşlı Qinyaz Məmmədov saxlanılaraq istintaqa təhvil verilib.
08:56
Ötən gecə Gəncədə bıçaqlanma hadisəsi baş verib.
Gencexeber.az məlumat verir ki, Gülüstan qəsəbəsi AKATA-6 adlanan ərazidə yaşayan 1988-ci il təvəllüdlü Ruslan Novruzlu bıçaqlanıb.
İlkin məlumata görə, hadisəni törətməkdə onun dayısı 1969-cu il təvəllüdlü Knyaz Məmmədov şübhəli bilinir.
