Gəncədə 10-a yaxın ev qazla təmin edilməyib. Sakinlərin bəziləri qış ayları ərəfəsindən başlayaraq qohumlarının evlərinə köçməli olurlar. Bu məlumat Gencexeber.az-ın izləyicisindən daxil olub.
Şəhərin Cavadxan (Avtozavod) qəsəbəsi, Göy Türk küçəsində 30-dan çox sakin qazın olmamasından əziyyət çəkir. Əldə etdiyimiz məlumata əsasən, sözügedən ərazidən təxminən 100-150 metr aralıqda yerləşən evlərdə isə qaz var
"Dörd-beş ildir evlər tikilib. Üç ildir ki, ailə həyatı qurmuşam. Qazla yaşadığımız problemlərə görə, orada heç oturmamışıq. Qışda isinməyən evdə böyüklər yaşaya bilmir, qaldı uşaqlar" - deyə sakin bildirib.
Qeyd olunan ərazidə ictimai nəqliyyat problemi Gencexeber.az tərəfindən işıqlandırılmışdır. Bir müddət sonra, 20 nömrəli marşrut xəttinin hərəkət cədvəlinə Göy Türk küçəsi əlavə olunmuşdur.
