Gəncədə növbəti konfrans keçirilib. Bu haqda 4 may tarixində İcra Hakimiyyətinə istinadən məlumat veririk.
İcra Hakimiyyətinin dəstəyi, Elm və Təhsil Nazirliyi və Azərbaycan Texnologiya Universitetinin (UTECA) birgə təşkilatçılığı ilə Heydər Əliyevin anadan olmasının 100 illiyinə həsr edilmiş “Dördüncü sənaye inqilabı və innovativ texnologiyalar” mövzusunda beynəlxalq elmi-praktik konfrans işə başlayıb. Açılış tədbiri Heydər Əliyev Mərkəzində baş tutub. Burada icra başçısı Niyazi Bayramov, UTECA-nın rektor əvəzi Yaşar Ömərov, AMEA-nın Gəncə Bölməsinin sədri, akademik Fuad Əliyev, İcra Hakimiyyəti başçısı Aparatının məsul əməkdaşları, YAP Gəncə şəhər təşkilatının sədr müavini, elmi işçilər, ziyalılar və ictimaiyyət nümayəndələri iştirak ediblər.
Yaşar Ömərov tədbirin mövzusunun aktuallığını diqqətə çatdırıb. Elm və təhsil nazirinin müavini Firudin Qurbanov, BDU-nun rektoru Elçin Babayev, İdarəetmə Sistemləri İnstitutunun baş direktoru, AMEA-nın həqiqi üzvü Əli Abbasov, İnnovasiya və Rəqəmsal İnkişaf Agentliyinin department rəhbəri Fatimə Ələkbərova, Dördüncü Sənaye İnqilabının Təhlili və Koordinasiya Mərkəzinin şöbə müdiri Ayaz Museyibov, Kosmik Agentliyinin departament rəhbəri Natəvan Həsənova, xarici ölkələrin ali təhsil müəssisələrinin, elmi-tədqiqat institutlarının, sənaye müəssisələrinin rəhbərləri, beynəlxalq təşkilatların nümayəndələri onlayn formatda qoşularaq çıxışlar ediblər.
