Gəncədə konfrans təşkil olunub. Bu haqda 17 may tarixində ADAU-ya istinadən məlumat veririk.
“Yaşıl gələcəkdə gənclərin rolu-ll” adlı elmi-nəzəri tələbə konfransı “Yaşıl Təhsil Hərəkatı” layihəsi çərçivəsində baş tutub. Tədbiri Azərbaycan Dövlət Aqrar Universiteti Aqrar Gənclər Təşkilatı keçirib.
Burada universitetin müxtəlif ixtisaslarında təhsil alan tələbələr öz nəzəri və eksperimental tədqiqatları ilə çıxış ediblər. Həmçinin bəzi təqdimatlar gənclər arasında ətraf mühit problemləri və ekoloji maarifləndirmə ilə bağlı fərqindəliyin artırılmasına həsr olunub.
Sonda tələbələr münsiflər heyəti tərəfindən qiymətləndirilərək müxtəlif hədiyyə və təşəkkürnamələrlə təltif ediliblər.
