Xəbər verdiyimiz kimi, Goranboy rayonunda ağır yol qəzası baş verib.
Gencexeber.az-ın məlumatına görə, rayonun Balakürd kəndində baş verən yol-nəqliyyat hadisəsi zamanı "VAZ-2107" və "Mercedes" markalı avtomobillər toqquşub. Nəticədə 1 nəfər həyatını itirib, 6 nəfər isə müxtəlif dərəcəli bədən xəsarətləri alıb.
Belə ki, xəstəxanada tibbi personalın səyinə baxmayaraq 2013-cü il təvəllüdlü Yusif Mustafayevi xilas etmək mümkün olmayıb.
Zərərçəkənləri təqdim edirik:
2004-cü il təvəllüdlü Günel Mustafayeva;
1987-ci il təvəllüdlü Sadiq Mustafayev;
2012-ci il təvəllüdlü Süleyman Mustafazadə;
2005-ci il təvəllüdlü Türkan Məmmədbəyli;
2004-cü il təvəllüdlü Fazil Əliyev;
1998-ci il təvəllüdlü Vüsal Kazımov.
Məlumata görə, xəsarət alanlardan Mustafayevlər ailəsi qəza zamanı "VAZ-2107" markalı avtomobildə olub. Yaralılar xəstəxanaya yerləşdirilib.
Faktla bağlı araşdırma aparılır.
