Gəncədə ağacəkmə aksiyası keçirilib. Bu haqda 14 oktyabr tarixində MKTİB-yə istinadən məlumat veririk.
Tədbir İlham Əliyevin prezident seçilməsinin 20-ci ildönümü münasibətilə təşkil olunub. Aksiya YAP Gəncə Şəhər Təşkilatının partiya fəallarının təşkilatçılığı ilə baş tutub. Burada icra başçısı Niyazi Bayramov, YAP Gəncə Şəhər Təşkilatının sədri Bayram Aslanov, GDU və ADAU-nun rektorları, ATU-nun rektor əvəzi Yaşar Ömərov, MKTİB-nin rəisi Nurəhməd Əhmədov, Gəncə Tibb Kollecinin direktoru Əməkdar həkim Mehman Rzayev, bələdiyyə sədrləri, idarə, müəssisə, təşkilat rəhbərləri, təşkilatın partiya fəalları və gənclər iştirak ediblər.
Aksiya çərçivəsində Nizami Gəncəvi Məqbərəsi ətrafında 20 ədəd Gəncənin simvolu olan çinar ağacı əkilib. Bununla yanaşı, partiya fəalları ərazidə təmizlik işləri aparıb, yeni əkilən ağacları suvarıb, onlara aqrotexniki qulluq göstəriblər.
