Gəncədə qış mövsümünə hazırlıq gedir. Bu haqda 6 oktyabr tarixində MKTİB-yə istinadən məlumat veririk.
Mənzil Kommunal Təsərrüfatı İstehsalat Birliyinin Yaşıllaşdırma şöbəsinin Gülçülük sahəsində yerləşən istixanaların birində payız-qış mövsümündə şəhər ərazisinə köçürüləcək güllərin qablaşdırma prosesi aparılır. Kompleks 10 sot ərazidə yerləşir. Hazırda istixanada 40 min ədəd primula gül şitilinin, daha sonra isə viola gül şitillərinin qablaşdırılması həyata keçiriləcək.
Payız mövsümünü xüsusi aqrotexniki qulluq göstərilməklə istixanada vegetasiya dövrü keçən güllər dekabr ayının əvvəlində şəhər ərazisinə əkiləcək. Həmçinin Gülçülükdə yetişdirilən 10 minə yaxın gül-kələmləri şitillərinin də payız-qış mövsümündə şəhərin müxtəlif ərazilərinə əkilməsi planlaşdırılır.
Hazırda şəhərin mərkəzi hissəsində və 1-ci mikrorayonda xrizontema kol gülləri və başqa soyuğa davamlı bitkilər əkilir.
