Gəncədə “Heydər Əliyev İli” ilə bağlı dəyirmi masa təşkil olunub. Bu haqda 13 oktyabr tarixində İcra Hakimiyyətinə istinadən xəbər veririk.
“Tarix yazan əbədiyaşar lider” mövzusunda dəyirmi masa keçirilib. Burada Niyazi Bayramov və aparatın məsul əməkdaşları, AMEA-nın Gəncə Bölməsinin sədri Fuad Əliyev, YAP Gəncə şəhər təşkilatının sədri Bayram Aslanov, GDU və ADAU-nun rektorları, ATU-nun rektor əvəzi, Gəncə-Daşkəsən Regional Təhsil İdarəsinin müdiri Anar Qədiməliyev, Bitki Mühafizə və Texniki Bitkilər Elmi-Tədqiqat İnstitutunun direktoru İbrahim Cəfərov, Gəncə Tibb Kollecinin direktoru Mehman Rzayev və digər universitetlərin nümayəndələri iştirak ediblər.
Tədbirdə ulu öndərin xalqımız qarşısındakı tarixi xidmətlərinin əvəzsiz olduğu və şərəfli ömür yolunun gələcək nəsillər üçün əsl örnək olduğu qeyd olunub.
Həmçinin mövzu ətrafında müzakirələr aparılıb.
