Gəncədə sərgi-yarmarka keçirilib. Bu haqda Gencexeber.az-a 2 iyun tarixində məlumat daxil olub.
“Gəncəsənət” sərgisi Gəncə Dövlət Filarmoniyasının bağı və Urban mərkəzində baş tutub. Yarmarka Uşaqların Beynəlxalq Müdafiəsi Gününə həsr olunub. Burada sərgilənən müxtəlif əl işləri satışa çıxarılıb.
Tədbirdə ASAN könüllüləri, musiqiçilər, sənətkarlar, ictimai birliklərin üzvləri, şəhər sakinləri və qonaqlar iştirak ediblər.
Məqsəd müxtəlif sənət növlərinin yaşadılması, inkişafı və yaradıcılıqla məşğul olan insanlara dəstək olmaq, həmçinin sakinlərdə sənətkarlıq və incəsənətə marağın artırılmasıdır.
[modula id="38315"]
