Gəncədə ərazilərdən birində tullantılar qutuya yox, yerə atılır. Bu haqda Gencexeber.az-a 16 oktyabr tarixində məlumat daxil olub.
Bu hal şəhərin Şah İsmayıl Xətai prospektində müşahidə olunur. 47 saylı uşaq bağçasının qarşısındakı zibil qutuları yerləşdirilən hissədə natəmizlik hökm sürür. Sözügedən əraziyə çox sayda məişət tullantıları atılıb.
Sakinlər bildirirlər ki, konteynerlərin boş olmasına baxmayaraq, hər yan zibilliyə çevrilib.
“Hər səhər bu ərazidən keçib uşaqları bağçaya aparırıq. Gördüyümüz mənzərə bizi çox narahat edir. Burada antisanitariya hökm sürür”, - deyə valideynlər qeyd ediblər.
