Gəncədə sahəvi görüş təşkil olunacaq. Bu haqda 4 noyabr tarixində KOBİA-ya istinadən məlumat veririk.
Tədbir 21 noyabr saat 11:00-da YAP Gəncə Şəhər Təşkilatında baş tutacaq. Görüşün mövzusu “Turizm potensialının genişləndirilməsi istiqamətində marketinq və kommunikasiya planı üzrə mövcud imkanlar və perspektivlər”dir.
Burada şəhər İcra Hakimiyyəti, Dövlət Turizm, Reklam, Qida Təhlükəsizliyi və Məşğulluq Agentlikləri, Gəncə-Daşkəsən Regional Mədəniyyət İdarəsi, Dövlət Vergi Xidməti, Antiinhisar və İstehlak Bazarına Nəzarət Dövlət Xidməti, Əmlak Məsələləri Dövlət Xidməti Daşınmaz Əmlakın Dövlət Kadastrı və Reyesteri, İqtisadiyyat Nazirliyinin Gəncə - Qazax regional bölməsi, "Azərsu" ASC, "Azərişıq" ASC, "Azəriqaz" İB, Gəncə Beynəlxalq Hava Limanı, Sahibkarlar (İşəgötürənlər) Təşkilatları Milli Konfederasiyası, Azərbaycan Turizm Agentlikləri Assosiasiyası, Turizm Bələdçiləri Assosiasiyası, Hotel Assosiasiyası və müvafiq sahibkarlıq subyektləri iştirak edəcək.
Əlavə məlumat üçün (055) 200 01 98 nömrəsi ilə əlaqə saxlamaq olar.
