Gəncədə rəsm sərgisi nümayiş olunub. Bu haqda 28 oktyabr tarixində İcra hakimiyyətinə istinadən xəbər veririk.
Türkiyənin şəhərimizdəki Baş Konsulluğunda sərgi keçirilib. Tədbir Türkiyə Cümhuriyyətinin yaranmasının 100 illiyi münasibətilə təşkil olunub. Burada Rəssamlıq Akademiyasının 2-ci kurs tələbəsi Nəzrin Məmmədovanın “Cümhuriyyət 100 yaşında” adlı fərdi rəsm kompozisiyaları nümayiş olunub. Rəsm əsərlərində Türkiyənin tarixi və ölkələrimiz arasında olan münasibətlər əks olunub.
Sərgidə Niyazi Bayramov, Türkiyənin Gəncədəki Baş konsulu Recep Öztop, millət vəkili Pərvin Kərimzadə, şəhər ziyalıları və ictimaiyyət nümayəndələri iştirak ediblər. Onlar Türkiyə-Azərbaycan dostluq-qardaşlıq münasibətlərinin inkişafından danışıblar.
