Gəncədə bir neçə gəncə sertifikat verilib. Bu haqda 18 oktyabr tarixində ATU-ya istinadən xəbər veririk.
Azərbaycan Texnologiya Universitetində “Gələcək üçün bacarıqlar” layihəsinin "TUSİ (2C) inkubasiya proqramı” çərçivəsində keçirilən təlimlərdə uğurla iştirak edən gənclər təltif ediliblər. Layihə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi və ali təhsil müəssisələri ilə birgə təşkil olunub.
Təlimlərin məqsədi innovasiya sahəsində kadr potensialını artırmaq, təhsildə innovasiya fəaliyyətini dəstəkləmək, innovativ ideyalarını inkişaf etdirmək üçün təhsil prosesində tələbələrə dəstək göstərilməsi və onların ölkəmizin texnoloji inkişafında kəşf və ixtira sahəsinə yönləndirilməsidir.
