Gəncədə təhsil alan tələbələr Abşeron Milli Parkına səfər ediblər. Bu haqda 25 aprel tarixində Ekologiya və Təbii Sərvətlər Nazirliyinə istinadən xəbər veririk.
Azərbaycan Dövlət Aqrar Universitetinin tələbələri Abşeron Milli Parkında olublar. Onlara milli park haqqında ətraflı məlumat verildikdən sonra Şahdili burnunu ziyarət ediblər. Daha sonra təbiət qoynunda səmərəli vaxt keçiriblər.
Səfərin məqsədi Bioloji Müxtəlifliyin Qorunması Xidmətində təcrübə keçən tələbələrin xüsusi mühafizə olunan təbiət əraziləri barədə məlumatlarının artırılmasıdır.
