Gəncədə yeni layihə start götürür. Bu haqda 28 fevral tarixində ASAN xidmətin İnnovasiyalar Mərkəzinə istinadən məlumat veririk.
“StartupFest” proqramı Azərbaycan Respublikası Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi (ASAN xidmət), Asiya İnkişaf Bankının Azərbaycandakı nümayəndəliyi və Koreya Respublikasının E-Asiya və Bilik Tərəfdaşlığı Fondunun dəstəyi ilə həyata keçirilir. Layihənin məqsədi təmiz enerji, kənd təsərrüfatı, təhsil, dövlət sektorunda innovasiyalar istiqamətində startapların formalaşmasıdır.
Proqram çərçivəsində startap müsabiqəsinin təşkili, startaplar üçün təlimlərin və akselerasiya proqramının keçirilməsi nəzərdə tutulur. Festivalda Gəncə və ətraf rayonlardan olan startapçılar iştirak edə bilərlər.
Layihəyə qatılmaq üçün link vasitəsilə qeydiyyatdan keçmək mütləqdir. Son müraciət tarixi 15 martdır.
Qeydiyyat linki: https://form.jotform.com/230531646484457
