Gəncə şəhərində aparılan abadlıq işləri zamanı maraqlı mənzərə yaranıb – bordür daşları düzülüb, amma səki inşa edilməyib.
Gencexeber.az-a sakinlər tərəfindən daxil olan şikayətə əsasən, Zülfü Hacıyev küçəsində Gəncə dəmiryol vağzalı tərəfdə əraziyə bordürlərin çəkilməsi ilə müəyyən dəyişiklik edilsə də, piyadalar üçün nəzərdə tutulan səki hələ də mövcud deyil.
Məsələ ilə bağlı şikayət edən vətəndaşlar bildirirlər ki, bu vəziyyət nəinki estetik cəhətdən natamam görünür, həm də piyadaların hərəkətini çətinləşdirir.
