İspaniya universitetində çalışan professor Gəncəyə səfər edib. Bu haqda 24 iyun tarixində GDU-ya istinadən məlumat veririk.
İspaniya Krallığının UCAM San Antonio Mursiya Universitetinin professoru Oriol Abellan Aynes Gəncə Dövlət Universitetində olub. O, bir həftə ərzində Pedaqoji fakültədə “Erasmus+” KA1 proqramı üzrə təcrübə mübadiləsində iştirak edib. Qonaq professor, həmçinin ustad dərsləri keçib və qabiliyyət imtahanının gedişini izləyib.
Mübadilə proqramının yekunlaşması ilə əlaqədar olaraq, GDU-nun rektoru Yusif Yusibov ispaniyalı qonaqla görüş keçirib. Burada universitetin İnnovasiyalar Departamentinin direktoru Vasif Həsənov, Beynəlxalq əlaqələr şöbəsinin müdiri Ruslan Məmmədov, İnnovasiyalar Departamentinin şöbə müdiri Razim Əliyev iştirak ediblər.
Yusibov UCAM San Antonio Mursiya Universiteti ilə mövcud əməkdaşlıq əlaqələrindən və qarşılıqlı təcrübə mübadiləsinin əhəmiyyətindən danışıb. Oriol Abellan Aynes GDU-da müəllim və tələbələr üçün yaradılan şəraiti və tədris prosesinin təşkilini yüksək qiymətləndirib.
Görüşün sonunda simvolik hədiyyə təqdim edilib.
Daha sonra Oriol Abellan Aynes Pedoqoji fakültənin Bədən tərbiyəsi və idman kafedrasının əməkdaşları ilə görüşüb. O, universitetin digər tədris korpusları ilə də yaxından tanış olub.
