Gəncədə şəhər rəhbəri vətəndaşları qəbul edib. Bu haqda 19 oktyabr tarixində İcra Hakimiyyətinə istinadən xəbər veririk.
Niyazi Bayramov 25 nömrəli tam orta məktəbdə vətəndaşlarla görüşüb. Öncə məktəbin şəhid məzunlarının xatirəsinə yaradılan guşənin önünə tər çiçəklər düzülüb. Tədbirdə aparatın məsul əməkdaşları, millət vəkilləri Musa Quliyev, Pərvin Kərimzadə, YAP Gəncə şəhər təşkilatının sədri Bayram Aslanov, bələdiyyə sədrləri, idarə, müəssisə və təşkilat rəhbərləri iştirak ediblər.
Görüşdə sakinlər onları narahat edən məsələləri səsləndiriblər. Niyazi Bayramov isə vətəndaşları dinləyərək, onların problemlərinin qısa zamanda aradan qaldırılması üçün tapşırıqlar verib. Səsləndirilən bir çox məsələlər yerindəcə öz həllini tapıb.
