Gəncədəki ərazilərin birində yandırılan tullantıların tüstüsündən sakinlər şikayətçidirlər. Bu haqda Gencexeber.az-a 6 iyun tarixində məlumat daxil olub.
Sözügedən hal Nizami küçəsində müşahidə olunur. Sakinlərin sözlərinə görə, adıçəkilən ərazidə tullantılar yığılır və yandırılır. Onların sözlərinə görə, bu hal, demək olar, hər gün saatlarla davam edir.
“Hər cür mikrob saçan zibil növləri burada yığılaraq yandırılır. Ətrafa yayılan qoxu və zəhərli tüstü insanlara mənfi təsir göstərir. Burada rahat gəzə bilmirik, nəfəs almaq olmur, boğuluruq”, - deyə ətrafda yaşayan sakinlər bildiriblər.
Qeyd edək ki, vətəndaşlar məsələnin həll olunmasını xahiş edirlər.
