Gəncədə küçələrin birində işıqlandırma sistemi yoxdur. Bu haqda Gencexeber.az-a 11 oktyabr tarixində məlumat daxil olub.
Söhbət Fikrət Əmirov küçəsindən gedir. Adıçəkilən ərazidə yerləşən 1, 2, 3 və 4 saylı binaların həyəti qaranlığa qərq olub. Burada işıq dirəkləri yoxdur.
Sakinlərin sözlərinə görə, hava qaralanda ərazi zülmət qaranlıq olur. Onlar, həmçinin əlavə ediblər ki, burada bir çox binaların həyətində işıqlandırma sistemi mövcud deyil.
