Gəncədə küçələrdən birində aparılan abadlıq işləri sakinlərin narahatlığına səbəb olub. Bu haqda 26 oktyabr tarixində Dünya TV-yə istinadən məlumat veririk.
Söhbət şəhərin Faiq Bayramov küçəsindən gedir. Sakinlər bildirirlər ki, burada aparılan işlər doğru getmir. Küçədə bordürlər yolun yalnız bir tərəfinə düzülür. Onlar bildirirlər ki, ərazidən keçən və hazırda yararsız halda olan su arxı dolduğu təqdirdə evlərə dolacaq.
“Çox sevinirik ki, küçəmizə asfalt örtüyü salırlar. Ərazidə çalışan işçilərə sual verdik ki, arx niyə düzəldilmir, dedilər, layihədə yoxdur. Aşağıdakı hissəyə bordür düzməsələr, oradakı evləri su basacaq. Biz də bu səbəbdən arxımızın təmir olunması üçün müraciət edirik. Yoxsa sel suları dolacaq həyətlərimizə, evlərimizə”, - deyə sakinlər qeyd ediblər.
Məsələ ilə bağlı İcra Hakimiyyətindən bildirilib ki, problem araşdırılacaq və podratçı şirkətlə danışıqlar aparılacaq.
[modula id="48675"]
