Gəncədə sahibkarlarla görüş keçirilib. Bu haqda 25 noyabr tarixində Regional Turizm İdarəsinə istinadən məlumat veririk.
Tədbir Kiçik və Orta Biznesin İnkişafı Agentliyinin təşkilatçılığı və Gəncə Regional Turizm İdarəsinin dəstəyi ilə baş tutub. Burada 30-a yaxın sahibkar, İcra Hakimiyyətinin, Türkiyə Respublikasının Gəncə Baş Konsulluğunun, İqtisadiyyat Nazirliyinin Sahibkarlığın İnkişafı Fondunun və digər qurumların nümayəndələri iştirak ediblər.
Görüşdə iştirak edənlər turizm sahəsində dövlət dəstəyi tədbirləri, bu sahədə imkanlar barədə məlumatlandırılıblar. Türkiyənin Baş Konsulu Zeki Öztürk turizm potensialının genişləndirilməsi istiqamətində Türkiyə təcrübəsi barədə danışıb.
Burada sahibkarlıq subyektlərini maraqlandıran suallar cavablandırılıb, mövzu ilə bağlı müzakirələr aparılıb.
