Gəncədə KOBİM tərəfindən növbəti təlim təşkil olunub. Bu haqda 17 oktyabr tarixində mərkəzə istinadən xəbər veririk.
"Biznes ideyası yarat və marketinq" və "Ünsiyyət bacarıqları" mövzularında maarifləndirici təlimlər keçirilib. Seminardan 8 nəfər iştirakçı maariflənib. Onlara qurumun eksperti tərəfindən iş yerində doğru ünsiyyətin qurulması, effektiv danışıqlar üçün ünsiyyətqurma bacarıqları, bədən dili, şəxsiyyət daxili münaqişə, jest və mimikalardan istifadə, geyim və aksesuar seçimi, işgüzar yazışma qaydaları barədə ətraflı məlumat verilib.
Tədbirdə, həmçinin sərmayədən maksimum gəlir əldə edilməsi, biznes ideyanın formalaşdırılması, bacarıq, təcrübə və şəxsi xüsusiyyətlərin qiymətləndirilməsi, biznes ideyanın təhlili və ən uyğununun seçilməsi haqqında danışılıb. Təlimin sonunda iştirakçıların sualları cavablandırılıb.
Qeyd edək ki, Kiçik və Orta Biznesin İnkişafı Mərkəzi tərəfindən göstərilən bütün xidmətlər ödənişsizdir.
