Gəncədə KOBİM tərəfindən tədbir təşkil olunub. Bu haqda 6 oktyabr tarixində mərkəzə istinadən xəbər veririk.
Maarifləndirici təlim "Maliyyə hesabatlığına giriş" mövzusunda baş tutub. Burada 8 nəfər iştirak edib. Tədbirdə KOBİM-in eksperti tərəfindən maliyyə hesabatları ilə ilkin tanışlıq, məqsədi və istifadəçi qrupları, nəticələrin maliyyə vəziyyəti haqqında hesabata qeyd olunması, pul hərəkəti haqqında hesabatın hazırlanma növləri və təhlili, hesabat dövründən sonrakı hadisələrin təhlil zamanı nəzərə alınması vacib olan məqamlar barədə ətraflı məlumat verilib.
Həmçinin təlimdə gəlir və xərclərin planlaşdırılması, maliyyə məqsədlərinin formalaşdırılması, maliyyə hesabatlarının məqsədi və istifadəçi qrupları, maliyyə hesabatlarının təhlil növləri, vergi öhdəliklərinin yerinə yetirilməsi, işçi qüvvəsi ilə bağlı çəkilən xərclər üzrə vergi öhdəlikləri haqda danışılıb.
