Gəncədə KOBİM tərəfindən təlim təşkil olunub. Bu haqda 10 oktyabr tarixində KOBİM-ə istinadən xəbər veririk.
Sahibkarlar üçün "Biznes motivasiyası" mövzusunda maarifləndirici təlim keçirilib. KOBİM-in eksperti tərəfindən işçilərin motivasiyası, onlara tapşırıqların verilməsi, biznesin idarəetmə strukturu, təşkilati planın hazırlanması, vaxtın idarə olunması barədə məlumat verilib.
Tədbirdə, həmçinin stresin idarə edilməsi, komandanı və özünü motivasiya etmək bacarığı, işçiləri motivasiya etmə qaydaları haqqında danışılıb.
Qeyd edək ki, mərkəz tərəfindən göstərilən bütün xidmətlər ödənişsizdir.
