Gəncədə fiziki məhdudiyyətli şəxslər üçün düşərgə təşkil olunub. Bu haqda Gencexeber.az-a 29 iyun tarixində məlumat daxil olub.
"Günərzi" adlı düşərgə Gənclər və İdman Nazirliyi Gəncə şəhər Gənclər və İdman Baş İdarəsi, Gənclər Evi və “Fərəh” Sosial İctimai Birliyinin ortaq təşkilatçılığı ilə baş tutub. Düşərgənin proqramına qaydalar və fəaliyyətlərlə məlumatlandırma, “Tanışlıq oyunu”, “Motivasiya” və “Əyləncə saatı” mövzularında təlimlər, müxtəlif oyunlar, nahar və s. daxildir.
Burada 16-35 yaş arası sağlamlıq imkanları məhdud (SİM) şəxslər iştirak ediblər. Sonda təmizlik aksiyası təşkil olunub.
Düşərgənin məqsədi Qurban bayramı günlərində SİM gəncləri bir araya gətirmək, onların xoş istirahətini və əyləncəsini təmin etmək, bacarıqlarını nümayiş etdirmələri üçün imkanlar yaratmaqdır.
Qeyd edək ki, iştirak ödənişsizdir.
[modula id="39892"]
