Gəncədə avtobus aşıb. Bu haqda Gencexeber.az-a 23 oktyabr tarixində məlumat daxil olub.
Hadisə şəhərin Mirzə Abbas Abbaszadə küçəsində qeydə alınıb. 1 nömrəli marşrut xətti üzrə hərəkət edən avtobus Türkiyənin Gəncədəki Konsulluğunun qarşısında hasarlanmış dərəyə aşıb.
Nəticədə 8 sərnişin xəsarət alıb. Onlardan 5 nəfər Zülfüqar Məmmədov adına xəstəxanaya, 2-si Abbas Səhhət adına xəstəxanaya, 1-i isə Uşaq Xəstəxanasına təxliyə olunub. Hadisə yerinə 12 təcili tibbi yardım briqadası cəlb edilib. Ölənlərin olub-olmaması barədə hələlik məlumat yoxdur.
Sakinlər bildirirlər ki, ərazidə avtomobillərin hərəkətinə məhdudiyyət qoyulub.
Faktla bağlı araşdırma aparılır.
Sərnişinlərin sözlərinə görə, sürücü naharda olduğu üçün sükan arxasına digər şəxs əyləşib.
