Gəncədə bir sıra küçələrdə işıqforlar fəaliyyət göstərmir. Bu haqda Gencexeber.az-a 19 oktyabr tarixində məlumat daxil olub.
Sözügedən hal şəhərin Təbriz və Firdovsi küçələrinin, Nizami Gəncəvi prospektinin Şəddadilər küçəsi və Həsən Əliyev küçəsinin Atatürk prospekti ilə kəsişmələrində müşahidə olunur. Adıçəkilən ərazilərdə yerləşən işıqforlar bir neçə saatdır ki, işləmir.
Həmin küçələrdə sıxlıq müşahidə olunur. Sakinlər qəza şəraitinin yaranmasından narahat olduqlarını bildiriblər.
