Gəncədə küçələrin birində yolda maneə əmələ gəlib. Bu haqda Gencexeber.az-a 2 noyabr tarixində məlumat daxil olub.
Sözügedən hal şəhərin İsrafil Məmmədov ilə Şəddadilər küçələrinin və Ozan küçəsi ilə Ruhulla Axundov küçələrinin kəsişmələrində müşahidə edilir. Adıçəkilən ərazidə avtomobil yolundakı qazıntı nəqliyyat vasitələrinin hərəkətinə maneə törədir.
Sakinlərin sözlərinə görə, İsrafil Məmmədov ilə Şəddadilər küçələrinin kəsişməsində su borusu təmir olunub. Lakin işlər bitdikdən sonra ərazinin üstü örtülməyib. Bu vəziyyət bir aydır davam edir.
Ozan küçəsi ilə Ruhulla Axundov küçələrinin kəsişməsində isə avtomobil yolunda qazıntı var və üstü örtülməyib.
Sakinlər, həmçinin qeyd ediblər ki, bu səbəbdən nəqliyyat vasitələrinin hərəkətində çətinlik yaranır.
[modula id="49172"]
