Gəncədə bir neçə ərazi təmizlənib. Bu haqda 29 iyun tarixində MKTİB-yə istinadən xəbər veririk.
Şəhərin Şah İsmayıl Xətai prospektində və prospektlə kəsişən Səməd Vurğun, Səbuhi Əliyev, Mehdi Hüseynzadə, Abdulla Şaiq və digər küçələrdə iməcilik aksiyası həyata keçirilib. Aksiyaya MKTİB-nin Ərazi Xidmət sahələrinin əməkdaşları və qurumun xüsusi texnikaları cəlb olunub.
Adıçəkilən ərazilər məişət tullantılarından, alaq otlarından, eləcə də daş, qum və toz-torpaqdan təmizlənib. Yığılan tullantıların bir yerə toplanaraq ərazidən daşınması təmin edilib. Mənzil Kommunal Təsərrüfatı İstehsalat Birliyi tərəfindən aparılan bu kimi təmizlik aksiyaları mütəmadi olaraq, şəhərin müxtəlif ərazilərində davam etdirilir.
